یا حسین سسلنروخ بیز گدایوخ قاپوسینا
بو گرک ثبت اولا هر یا ندا بیزیم دلبریمیز وار
چوخدان چالیشیر ضربه ویرا بیزلره دشمن
مین دشمنی بیز خار ائدروخ نهضتیمیز وار
عمرون هئچه ویرمه قیل نماز اول وقته
بیز الله عاشقیوخ٫ بیزیم مکتبیمیز وار
اولما نگران واهمه یوخ روز حسابه
محشرده خانم فاطمه تک مادریمیز وار
خیبر شکن اربابیمیزی هامی تانور شاه نجفدی
پرونده میزه ثبت اولونوب نام علی (ع) مدرکیمیزوار
مدتی بیلور سوز خانمین قبری خطرده
بیز سینه سپر سسلنروخ زینبیمیز وار
وهابی وداعش حرمه چپ با خا بیلمز
عباس آقامون شیعه سیوخ غیرتیمیز وار
بارماق کسوب هر کس گوروب یوسف مصری
یوسفدی بونین مشتریسی اکبریمز وار
گرواردی مریضین ادینا ائله توسل
حاجت الاران مشکل اچان اصغریمیز وار
هر یرده حرم وار اولاروخ گئتماقا مایل
هر دم که گرفتار اولاروخ مشهدیمیز وار
پاینده قالوب نام حسین پرچم اسلام
آچ پرچمی دشمن گوره هویتیمیز وار
(استجلو) قلم جوهره ویرما نه یازیرسان
سن نوکری سن سویله عجب سروریمیز وار
شاعر : استاد کربلایی اکبر استجلو
کپی بدون منبع و نام شاعر جایز نمی باشد .
